విడిపొయ్యి కలిసుందాం

మాకు భాష రాదంటరు
మాది భాషే కాదంటరు
అన్నతమ్ముల లెక్క ఉందాం అంటరు
తమ్ముడికి దమ్మిడి కూడా మిగల్చకుండా గుంజుకతింటరు
జలయగ్నమని నిధులు కేటాయించినమని చెప్తరు
ఏ నీళ్ళు లేక కన్నీళ్ళే మిగిలిన రైతు గోడుని మాత్రం పట్టిచ్చుకోరు
మాకు బతకడం రాదంటరు
మాకు బతకడం నేర్పించినమని చెప్పుకుంటరు
ఇంకెన్ని చేస్తరు ఇంకేమి ఇస్తరు
ఇగ మా బతుకు మేము బతుక్కుంటo అంటే బతకనియ్యరు
దొరల పెత్తనం మళ్ళొస్తది నక్సలిజం పెర్గుతదని బూచి చూపిస్తరు
వలసవాదులే దోపిడీ దొంగలై పెత్తనం మాత్రం చెలాయిస్తరు
కలిసుంటే కలదు సుఖం అని నీతి వాక్యాలు జపిస్తరు
కలిసుండి దూరమయ్యే కన్న విడిపొయ్యి కలిసుండుడే నయం
తెలంగాణా రాష్ట్రం సాధించుకునుడు ఇంక ఖాయం
జై తెలంగాణా